Könyaq Korea höm Yaponiä, BMO İminlek Şurasınıñ Tönyaq Koreanı atom sınawları ütkärüdän tıyılırğa çaqırğan belderüen xupladı. Könyaqnıñ tışqı eşlär ministrlığı Pxenyannı kire söyläşülärgä qaytırğa çaqırdı. Tönyaq Korea citäkçese Kim Çin İr üzeneñ il başlığı bulıp bilgelänüenä 9 yıl tulğan şuşı könnärdä xärbi citäkçelär belän oçraşıp, ilne saqlawnı nığıtırğa çaqırdı. Bügen Tönyaq Koreanıñ 5 xärbie, Tönyaq belän Könyaq arasındağı qoralsızlandırğan çikne çıqqaç, Könyaq ğaskärläre cawap utı açtı. Atışlar işetelgäç Tönyaq xärbiläre kire kitkän, dip xäbär itelä. Bu adımğa ber nindi dä añlatmalar bulmadı.
