Accessibility links

шимбә, 10 декабрь 2016, Казан вакыты 23:31

Açıq mikrofon: Samardağı saylawlarda “Berdäm Rusiä”neñ ciñelüenä niçek qarıysız?


Vladimir Putin şulay itep xalıq belän aralaşırğa äzerlängändä, anıñ tuğannan tuğan enese – İgor’ Putin Samarda saylaw eşläre belän mäşğül buldı. Ul “Berdäm Rusiä” firqäsennän çığıp, Partiya “Jizni” – “Tormış” firqäsenä äğza buldı. Häm İgor’ Putin yaqlağan Viktor Tarxov Samarda uzğan saylawlarda ciñep çıqtı. Şulay itep, samar şähäre citäkçese itep “Tormış” firqäse wäkile saylandı. Ä “Berdäm Rusiä” yaqlağan xäzerge mer – Sergey Limanskiy ciñügä ireşä almadı. Küp kenä säyäsät belgeçläre, älege ciñelüne Rusiädä “Tormış” firqäseneñ köçäyüeneñ berençe küreneşläre, qayçandır xakimiät firqäseneñ sul ayağı dip ürtälep yörtelgän “Jizn’” partiäse şaqtıy nıq basa başladı, dip sanıylar. Ä Tatarstanda bu xaqta ni uylıylar, “Berdäm Rusiä”neñ ciñelüenä alar nindi mönäsäbät kürsätälär?

-“Berdäm Rusiä” ciñelä torğan firqä tügel inde ul! Alay da Samarda ciñelgän ikän, bu küñelsez xäl inde. Ä “Jizn'” partiäse xaqında işetkänem dä yuq.

-“Berdäm Rusiä” ciñelmäsä äybäträk bulır ide inde. Ul bit zur firqä, zur bulğaç dimäk köçle dip añlıym inde.

-Miña barıber! Annan ni üzgärä inde? Tormışıbız üzgärmi.

-Ägär dä qanun buyınça eşlägän bulsalar, dimäk dörese şulay. Xalıq şulay saylağan küräseñ.

-“Berdäm Rusiä”ne häm dä Putinnı bik xörmät itäm. Şuña kürä firqäneñ ciñelüe minem öçen bik küñelle waqiğa tügel inde. Şulay da säyäsät ul uyın häm monı min şulay qabul itäm. Samarda ciñelsä dä, böten töbäklärdä dä alay uylamıylar bit.

-“Berdäm Rusiä” ul Kreml'neñ firqäse inde. Nik ul ğına ciñärgä tieş soñ äle? Keşedä härwaqıtta da saylaw xoquqı bulırğa tieş bit.

Al'bina Zäynulla

XS
SM
MD
LG