BMO İminlek Şurası, oyışmağa kergän illärne xatın-qızlarğa qarşı köç qullanu belän köräşergä häm nizağlarnı cayğa saluda alarnıñ aktivraq qatnaşuına ireşergä çaqırdı. İminlek Şurasınıñ maxsus utırışı şuşı xaqtağı 1325-nçe rezolusianeñ qabul itelüenä 6 yıl tuluğa bağışlandı. BMO general sekretare kiñäşçese Rachel Mayanja utırışta çığış yasap: “Xatın-qızlarnıñ tınıçlıqnı nığıtuda öleşen arttırırğa tırışuıbız bez telägän qädär ük näticäle tügel. Törle nizağlar waqıtında xatın-qızlarğa qarata köç qullanıla. Suğış häm tınıçlıq mäsäläläre turında qarar çığarğanda da alar ikençe däräcädäge genä rolne uynıy”,- dide.
