Accessibility links

сишәмбе, 6 декабрь 2016, Казан вакыты 17:18

Başqortstan wäkillege Surgutqa kitte


Başqortstan wäkillege Xantı-Mansi avtonomiäle okrugınıñ Surğut şähärenä kitte. Başqortstan Mädäniät häm milli säyäsät ministrı urınbasarı Rafael' Şafikov citäkçelek itkän bu wäkillek Surgutta Başqort mädäniäte könnärendä qatnaşaçaq. Bu çaralar 11-12 noyäber könne ütä häm alar Başqortstannıñ Rus däwlätenä quşıluına 450 yıl tuluğa bağışlana.

Rafael' Şafikov äytüençä, Başqortstan mädäniäte könnäre programması bik bay. Başqortstan wäkilläre anda Xantı-Mansi avtonomiäle okrugı Xökümäte äğzaları, şulay uq Surgut şähäre meriäse citäkçelege, andağı möselmannar citäkçese, möfti Tahir Samatov belän oçraşular ütkäräçäk.

Töp mädäni çaralar şimbä könne ütä. Başqortstan wäkillege ölkädä yäşäwçe millättäşlär belän söyläşülär ütkäräçäk, milli-mädäni ixtıäclar xaqında fiker alışaçaq. Kiçen isä Surgut däwlät universitetınıñ konsert zalında bäyräm çaraları zurlap däwam itäçäk.

12 noyäber könne Başqortstan wäkillären Lyantor şähärendä dä kötälär. Anda da eşlekle söyläşülär häm qızıqlı mädäni çaralar qaralğan.

XS
SM
MD
LG