Meñlägän keşe qatnaşlığındağı qarşılıq çaraların Xisbulla törkeme oyıştıra. Bäyrutta ciyılğan distä meñ keşe Fuad Siniora citäklägän xökmätneñ kitüen taläp itä. Uram ciyınnarında qatnaşuçılar, çatırlar qorıp, tönne dä Premyer ministr Fuat Siniora utırğan bina yanına ütkärde. Uram cıyınnarında qatnaşqan 19 yäşlek Farah Fakux bolay di: Min Xisbullanı yaqlıym, alar mine yaqlıy. Min, bu xökümät bezgä bernärsä dä birmi, dip uylyım. Alar bezneñ belän bergä tügel. Xisbulla, keşelärgä bik kiräk bulğan imenlekne birä.
Bügen Bäyrüttä, Siniora belän Britaniä tışqı eşlär ministrı Margaret Beckett oçraştı. Ul aña teläktäçlekgen belderde.
“Min wäzgiät belän üzem tanışırğa häm Liban xökümätenä teläktäşlek belderergä telädem. Bu xökümät xalıq tarafınnan saylap quyılğan, şuña kürä anıñ xoquqları bar. Qanunıñ töstä saylğangan xökümätkä xalıqara cämäğätçelekneñ dä teläktäşlege qomaqçawlamas ide.”
Quşma Ştatlar, Libandağı xökümätne bärep töşerü tırışlıqlarında Suriä häm İrannı ğäyepli. Siniora uram ciyınnarı basımına bireşmiçä, eştän kitärgä ciyınmawın belderä.
