Rusiä prezidentı Vladimir Putin Ukraina prezidentı Viktor Yuşçenko häm Ukrainanıñ başqa yuğarı citäkçeläre belän oçraşu öçen Kievqa kilde.
Putin Yuşçenkoğa Rusiä belän Ukraina aldağı 2 yılğa urtaq eş planın äzerlärgä tieş dide.
Bu yılda Yuşçenkonıñ Könbatışqa yöz totuçı Äflisun koalitsiäse tarqaldı häm anıñ köndäşe, Mäskäwgä qarawçı Viktor Yanukoviç xökümät citäkçelegenä kilde.
Putin Yuşçenko belän soñğı märtäbä 2005-nçı yılnıñ martında Kievta oçraşqan ide.
