Soñğı waqıtta tatar estradasında yäş cırçılar bik kübäyde. Alar arasında ence börtegedäy saqlap, qäderläp kenä üstererlek çın talant iäläre dä küp. Qızğanıçqa qarşı, tatar moñınıñ närsä ikänlegen belmäwçelär dä baytaq. Tatar xalıq cırlarınıñ çiksez tirän moñın añlap, anıñ neçkälegen toyıp, cırlap üskän cırçılar, älbättä, nindi genä janrda cırlamasınnar, anı xalıq moñınıñ tirän ahäñe belän bayıtıp cırlıylar. Ä Rossiä töbäklärendä, rus cirlärendä üskän tatar yäşläre tatar moñına qoyınıp üsmägän. Alar arasında tatarça cırlarğa öyränergä teläwçelär küp buluı bik uñay küreneş, älbättä.
Yekaterinbur şähärendä eşläp kilüçe “Yäşlek” tatar cırı ansamble citäkçeläre yäşlärne tatar xalıq icatı serlärenä öyrätü buyınça eş alıp bara başladı. Ansambl'neñ citäkçese İldam Şäripov äytüençä, bu yılnıñ başınnan tatar cırı häm tatar biyüläre buyınça ostaz däresläre uzdırıp toru yıllıq eş planında qaralğan. Biyü däreslären Başqortstanda uqıp qaytqan Aygöl İşbirdina digän bik osta biyüçe, ä cır däreslären Tatarstannıñ atqazanğan artistı Xäydär Ğilfänov alıp baraçaq.
Bu könnärdä tatar xalıq cırları buyınça ostaz däresläre uzdırıldı. Tatarstannıñ atqazanğan artistı Xäydär Ğilfänov alıp barğan däres waqıtında tatar xalıq cırları tarixı, anıñ törläre turında bik qızıqlı mäğlümat birelde, mäşhür cırçılar İlham Şaqirov, Tahir Yaqubov yazmaları yañğıradı. Xäydär Ğilfänov üze dä xalqıbıznıñ borınğı köyläreneñ berniçäsen cırlap kürsätte.
Tıñlawçılar arasında ansambl'gä yörüçelär genä tügel, ölkä milli mädäni üzäkläre citäkçeläre dä bar ide. Rej şähäre tatar milli klubı citäkçese Daniä Musina üz täesirläre turında bolay dip söyläde: “Bezneñ klubqa yörüçe balalarnıñ bik tä cırlıysıları kilä. Mondıy däreslär ölkä üzägendä genä tügel, wağraq şähärlärdä dä uzdırılsın ide. Balalarğa tatar cırına mäxäbbätne señderü öçen bik möhim dip sanıym min mondıy däreslärne”.
Yäşlär arasında tatar cırın änilärennän, äbilärennän işetep belüçelär dä bar bulıp çıqtı. 18 yäşlek Yılena Märdämşina säxnädä estrada, roq cırların başqarırğa yarata. Ä tatar cırları arasınnan ul “Olı yulnıñ tuzanı” cırın yarata ikän. Ämma min anı äle cırlamıym, qartayğaç cırlarmın, di Lena. Kem belgän, mondıy däreslär kübräk bulsa, anıñ fikere üzgärer.
Tatarstannıñ atqazanğan artistı Xäydär Ğilfänov fikerençä, matbuğatta tatar cırı turında mäğlümat bik az. Tatar cırı antoloğiäse buldıru yäşlärne moñ serlärenä öyrätüne ciñelläşterer ide, ämma bügenge köndä bu çişelmägän problem bulıp qala birä.
“Başqortlarnıñ cır antoloğiäse kitabı awdioqasseta häm qompaqt-disk belän bergä eşlängän, - di Xäydär Ğilfänov, - ä bezdä älegä andıy närsä yuq. Küp kenä cır kitapları notasız, tekst belän genä bastırıla. Ägär dä ğälimnär bu mäsälägä tulayım qarap, tatar xalıq cırı antoloğiäse kitabın çığara alsalar, bu bezneñ öçen altın xäzinä bulır ide”.
Ostaz däreslären tıñlarğa kilüçelär därestän bik qänägät qaldılar häm mondıy çaralar yışraq uzdırılsın ide digän teläk belderep taralıştılar.
Fäwiä Safiullina, Yekaterinbur
Bu könnärdä tatar xalıq cırları buyınça ostaz däresläre uzdırıldı. Tatarstannıñ atqazanğan artistı Xäydär Ğilfänov alıp barğan däres waqıtında tatar xalıq cırları tarixı, anıñ törläre turında bik qızıqlı mäğlümat birelde, mäşhür cırçılar İlham Şaqirov, Tahir Yaqubov yazmaları yañğıradı. Xäydär Ğilfänov üze dä xalqıbıznıñ borınğı köyläreneñ berniçäsen cırlap kürsätte.
Tıñlawçılar arasında ansambl'gä yörüçelär genä tügel, ölkä milli mädäni üzäkläre citäkçeläre dä bar ide. Rej şähäre tatar milli klubı citäkçese Daniä Musina üz täesirläre turında bolay dip söyläde: “Bezneñ klubqa yörüçe balalarnıñ bik tä cırlıysıları kilä. Mondıy däreslär ölkä üzägendä genä tügel, wağraq şähärlärdä dä uzdırılsın ide. Balalarğa tatar cırına mäxäbbätne señderü öçen bik möhim dip sanıym min mondıy däreslärne”.
Yäşlär arasında tatar cırın änilärennän, äbilärennän işetep belüçelär dä bar bulıp çıqtı. 18 yäşlek Yılena Märdämşina säxnädä estrada, roq cırların başqarırğa yarata. Ä tatar cırları arasınnan ul “Olı yulnıñ tuzanı” cırın yarata ikän. Ämma min anı äle cırlamıym, qartayğaç cırlarmın, di Lena. Kem belgän, mondıy däreslär kübräk bulsa, anıñ fikere üzgärer.
Tatarstannıñ atqazanğan artistı Xäydär Ğilfänov fikerençä, matbuğatta tatar cırı turında mäğlümat bik az. Tatar cırı antoloğiäse buldıru yäşlärne moñ serlärenä öyrätüne ciñelläşterer ide, ämma bügenge köndä bu çişelmägän problem bulıp qala birä.
“Başqortlarnıñ cır antoloğiäse kitabı awdioqasseta häm qompaqt-disk belän bergä eşlängän, - di Xäydär Ğilfänov, - ä bezdä älegä andıy närsä yuq. Küp kenä cır kitapları notasız, tekst belän genä bastırıla. Ägär dä ğälimnär bu mäsälägä tulayım qarap, tatar xalıq cırı antoloğiäse kitabın çığara alsalar, bu bezneñ öçen altın xäzinä bulır ide”.
Ostaz däreslären tıñlarğa kilüçelär därestän bik qänägät qaldılar häm mondıy çaralar yışraq uzdırılsın ide digän teläk belderep taralıştılar.
Fäwiä Safiullina, Yekaterinbur
