Accessibility links

дүшәмбе, 5 декабрь 2016, Казан вакыты 19:46

Asırawğa bala alıusılarğa 100 meñ hum?


Prezident Mortaza Räximov aśırawğa bala alğan ğailälär arahında bäyge iğlan itte. Ul Başqortostanda yetem balalarźı ğailälärgä urınlaştırıu alımın üśtereü, patronat ğailälärźe därtländereü xaqındağı farmanın imzalanı. Qararda äyteleüensä, yıl bäygehendä yeñgän sittän bala alğan ğailälär 100 meñ hum aqsa menän büläklänäsäk.

Başqortostanda patronat tärbiä xaqındağı qanundı Däülät yıyılışı-Qoroltay bıltır yäy qabul itkäyne. Yañı yıl aldınan uğa ber ni tiklem üźgäreştär inderelde. Ular täü siratta bala tärbiälägän ösön aqsağa qağılışlı. Yäğni, xäźer qanunğa yaraşlı, patronat tärbiäse balalar qarağan ösön 4 meñ hum külämendä xeźmät xaqı ala. Respublikala yetemdärgä bäyle xäl qatmarlı tora. Äle Başqortostanda 19 meñ yetem iśäplänä. Şulay źa patronat tärbiä xaqında qanun üź kösönä ingäs, aśırawğa bala alıusılar arta. Bıyıl ğinuarźa 250 sabıy üźenä yañı ata-äsä tapqan.

Azatlıq radiohı xäbärsehe Başqortostandıñ Ural artı töbägendäge Eyänsura rayonında yetemdärgä bäyle xäl menän qıźıqhındı. Rayon xaqimiäteneñ patronat tärbiä bülege belgese Rezedä Kärimowa bıl qanun häm aśırawğa bala alıusılarźı aqsalata därtländereü xaqındağı Farmanğa ıñğay qaraybıź tip yawaplanı. Başqorttoñ boron yetemdäre bulmağan, ata- äsäheź bala tıumay źa, bulırğa la teyeş tügel tine Rezedä Kärimova.

Tärbiägä bala alırğa teläüselär ösön Öfölä yetem sabıyźar häm ullıqqa alırğa teläüselär xaqında mäğlümättär tuplawsı bank oyoştoroldo. Äle bıl bankta 2 meñ 700 sabıy xaqında mäğlümät tuplanğan. Qala xaqimiäteneñ yetem sabıyźarźı ğailälärgä urınlaştırıu bülege mäğlümättärenän küreneüensä, Öfölä yılına 11 meñ bala yaqtı donyağa kilä, ularźıñ urtasa 140-ı tıumıştan yetemlek kiserä. Yäğni, ularźan bala tabıu yortonda uq baş tartalar.

XS
SM
MD
LG