Accessibility links

җомга, 9 декабрь 2016, Казан вакыты 08:56

Votkinsk Tatar ictimaği üzägendä mer belän oçraşu buldı


Udmurtiäneñ töbäklärendä eşläp kilüçe tatar ictimaği üzäkläre cirle xakimiät orğannarı belän tığız elemtädä tora. Tatar üzäkläre oyıştırğan çaralarğa xakimiät küpmeder külämdä aqça bülep birep, bäyrämnärdä dä qatnaşa. Ämma şuşındıy milli oyışmalar arasında Votkinsk şähäreneñ ictimaği üzägendä genä bişençe yıl rättän şähär başlığı belän oçraşu uza. 2 fevral'dä bulıp uzğan oçraşuğa Votkinsk şähäre merı Aleksandr Kuznetsov, anıñ urınbasarları, şähär administratsiäsennän bülek citäkçeläre kilgän ide. Aleksandr Kuznetsov häm başqa citäkçelär yıl däwamında başqarılğan eşlär turında xisap tottı, problemalarğa tuqtaldılar. Votkinsk şähär balalar icat yortında yaña proyekt äzerlänä, dide Nuraniä Lazereva,

Ul ğailälärdä ğöref—ğädätlärne saqlawğa bağışlanğan. Äle genä Zalilovlar ğailäse «Qaz ömäsen» kürsätkän. Kitapxanälär sistemasında da küp eş başqarıla. Tatarlar kümäk urnaşqan ber kitapxanädä tatar telendä 300 läp kitap tuplanğan, tatar telendä cirle «Yañarış» gazetasın yazdırıp alalar. Kitapxanälär üzäge başlığı Lyubov' Yıliseewa şuşı kitapxanädä kiläçäktä tatar mädäniäte üzäge buldırırğa täqdim itte.

Votkinsk qalasında balalar häm yäşlär öçen ütkän yılda texnik stansiä açılğan. Anıñ başlığı Sergey Komlev ğailälärdän balalarnı üzlärenä çaqırdı. Biredä tüläw qaralmağanın da bilgeläp ütte direktor.

Votkinsk qalasınıñ 12 mäktäbendä tatar sıynıfları bar. Anıñ direktorı bu uqu yılında yañalıq bularaq 10нчы sıynıfqa da tatar balaların klassqa cıyuların citkerde. Ul sıynıfta tatar häm qatnaş ğailälärdän tış, xätta rus ğailälärennän dä uquçılar bar ikän. Alar tatar telen öyränep, Qazan yuğarı uqu yortlarında belem aluların däwam itärgä niätli. Bıyıl da tatar ğailälärennän balalarnı berençe sıynıfqa tuplarğa teläkläre bar.

Cıyılğan xalıq küp kenä sorawlar da birdelär. Alar milli tormışqa ğına tügel, xätta kübräk tä, sotsial' tormışqa qağıldı. Älege oçraşularğa bik teläp kiläm dip urtaqlaştı şähär merı Aleksandr Kuznetsov.

Aleksandr Kuznetsov fikerençä, tatar üzägendäge aralaşudan nindider kimçelek kötmi. İke arada yaxşı mönäsäbät, xätta üzem iğtibar itmägän mäs älärne dä kürergä yärdäm itälär dide Votkinsk şähäre merı Aleksandr Kuznetsov.

Votkinsk şähäre mäçete imamı Möxämmätnur xäzrät mäçetneñ yaxşı ğına eşläp kilüendä citäkçelärneñ artıq yärdäme näticäse tügel, alarnıñ qomaçawlamawları dip bilgeläde. Mäçettä yäşlär häm ölkännär öçen uqular oyıştırılğan. Äle genä «İman» yäşläre berlege belän pedagogika köllätendä ğäräp tele däresläre başlap cibärgännär. Yäşlär islam dine nigezläre belän dä, ğäräp mädäniäte belän dä qızıqsınalar ikän.

Xalıq ta bu oçraşularnı bik kötep ala. Сämilä Ğaleevağa süz.

Votkinskiy şähäreneñ tatar ictimaği üzäge citäkçese Mäğsum Gazimcanov ta oçraşudan qänäğät.

Udmurtiä tatar ictimaği üzäge prezidentı Fnün Mirzayanov Votkinskiydan kütärenke ruxta qaytam, dip ictimaği oyışma başlağan oçraşularda başqa mäsälärne dä xäl itüen belderde.

Xämidä Ğayfullina, Udmurtiä

XS
SM
MD
LG