Accessibility links

якшәмбе, 11 декабрь 2016, Казан вакыты 05:18

Başqortostanda narkomandar hanı arta bara


Tabiptar äyteüensä, äle narkomandarźıñ räsmi terkälgändäre 5 meñdän artqan. Asılda ularźıñ hanı un tapqırźan aşıuıraq tip belderä tabiptar. Narkomandar arahında studenttarźıñ da artıuı küźätelä. Şuğa kürä yuğarı uqıu yorttarı etäkselegenä yataqxanalarźa tärtipte nığıtıu quşılğan. İrekle räüeştä test uźğarıu źa qaralğan. Respublikala narkomandarźı mäjbüri daualau turahında la etdi hüźźär yöröy.

Yıl başınan Respublikanıñ narkotiktarğa qarşı köräş buyınsa idaralıq belgestäre tarafınan tiśtänän aşıu siğan balaları totolğan. Yäş sauźägärźärźän biş meñ dozanan aşıu geroin tartıp alınğan. Ularźı yauapqa tarttırıp bulmay. Sönki, ular bäliğ tügel.

Äle tärtip haqlau orğandarında dürt enäyät eşe tikşerelä. Ular töbäk häm xalıq – ara oyoşqan enäyätsel törkömdär buldırıuźa ğäyeplänä. Bıl waqiğa buyınsa 50 keşeneñ yauapqa tarttırılıuı ixtimal. Narkodilerźar alğan tabış milliondarsa humğa bahalana. Belgestär Respublika shirkättärendä lä maxsus tikşereüźär uźğara. Unıñ höźömtäläre buyınsa 59 keşeneñ narkotiktar qullanıuı asıqlana.

Narqotiktar qullanıu, urlaşıu häm başqa nasar ğäźättärźän bäliğ bulmağandarźı yolop qalıu buyınsa respublika xökümätendä maxsus komissiya oyoştorolğan. Unıñ sirattağı ultırışında mäźäniät häm milli säyäsät ministrı İldus İleşev Mäsetle, İşembay rayondarı häm Kümertau qalahında balalar enäyätselege buyınsa otçet aldı. Unda äyteleüensä, respublikala 10 ay esendä bäliğ bulmağandar tarafınan 1 meñ 800-źän aşıu enäyät qılınğan. Egermeläp rayon-qalala bınday osraqtarźıñ artıuı küźätelgän. Mäsetle rayonında mäśälän balalarğa iśertkestär hatıusı kibet xujahı totolğan. Unıñ kibete yabılğan.

Ata-äsäläreneñ eseüe, aqsahıźlıq arqahında urlaşıu, talau keüek enäyättär kübäygän. Şulay uq uyın klubtarına barıu ösön aqsa säldereüselär źä kübäygän. Mäktäptärźä sotsial psixologtarźıñ eteşmäüe lä auır tielde käñäşmälä.

XS
SM
MD
LG