Accessibility links

якшәмбе, 11 декабрь 2016, Казан вакыты 07:07

NATO Kosovoda tınıçlıqnı saqlawnı däwam itäçäk


BRUSSEL -- NATO general sekretare Jaap de Hoop Scheffer bügen yasağan çığışında, ägär Kosovo Serbiädäñ ayrılsa häm ninderder köç qullanu oçraqları bula qalsa, NATO töbäktä tınıçlıq saqlawnı däwam itäçäk, dip belderde.

Scheffer: "NATO, töbäkneñ iminlege häm totırıqlılığın saqlawda eşen däwam itteräçäk. Kem dä bulsa, bu totırıqlılıqnı bozarğa teläsä, aña bez qarşılıq biräçäkbez." dip äytte Brüsseldä NATO tışqı eşlär ministrları oçraşuında.
Kosovo Albannarınıñ bäysezlek taläbenä Serbia qarşı çığa. Kosovonıñ kiläçäge xaqında, Serbiä häm Kosovo Albanları citäkçeläre arasında bulğan 3 könlek xalıqara söyläşülär näticä birmägän ide. Moña qaramastan bäysezleklären iğlan itäçägen beldergän Kosovo albannarına qarşı, yanawlar buldı.

Rusiä Serbiäne yaqlıy.

BMO İminlek şurasınıñ daimi wäkile Rusiä, Kosovo mäsäläsendä Serbia yağın yaqlıy. Rusiä, ägär Kosovo bäysezlegen iğlan itsä, bu başka töbäklärdäge ayrılıqçılarnı qotırtaçaq dip däğwä itä.

Brüseldäge NATO tışqı eşlär ministrları cıyınına, Rusiä tışqı eşlär ministrı Sergey Lavrov da qatnaşa.

XS
SM
MD
LG