İsrael premier-ministrı Ariel Şaronnıñ, xökümät tözü mäsäläsendä, Xezmät partiäse citäkçese Amram Mitzna belän söyläşüläre näticäsez tämamlandı. Xezmät partiäse Şaron xökümätenä kerüdän baş tarttı. Ğinwarnıñ 28-endä ütkän saylawlarda Şaronnıñ uñ yünäleştäge Likud partiäse ciñep çıqsa da, xökümät tözü öçen kiräk bulğan küpçelekkä ireşä almadı. 120 urınlı parlamentta Likud 38 urın aldı. Urta-sul yünäleştäge Xezmät partiäseneñ 19 urını bar. Bügenge oçraşudan soñ Xezmät partiäse, Şaronğa opozitsiädä qalaçağın belderde. Amram Mitzna, Fälestinnär belän ber-şartsız söyläşülär başlarğa çaqıra, Şaronnıñ qatı-qul säyäsätenä tänqit belderä.
