Accessibility links

пәнҗешәмбе, 8 декабрь 2016, Казан вакыты 19:13

BMOnıñ İminlek Şurası Quşma Ştatlar, Britaniä häm İspaniä täqdim itkän yaña rezolutsiä ölgesen tikşerä başladı


Bu rezolutsiä Ğiraqnı qoralsızlandıru maqsatında aña qarşı xärbi kampaniä başlawnı küz aldında tota. Berük waqıtta, Ğiraq tiräsendä törle däräcädä diplomatik adımnar yasala. Amerikan prezidentı George Buş bügen telefon aşa Rusiä prezidentı Vladimir Putin belän söyläşte. Kremlneñ belderüendä äytelgänçä, taraflar, bar dönya mänfägätendä küreläse çaralarnı bilgeläw öçen, İminlek Şurasında eşne köçäytergä kiräk, digän. Belderüdä östämä mäglümät kiterelmi. İspan premier-ministrı Jose Maria Aznar bügen Vaticanda, Ğiraq suğışına qarşı bulğan Rim papası belän oçraştı. Soñnan Papa, İran prezidentı Möxämmät Xattaminıñ maxsus wäkile häm enese, Reza Xattami’nı qabul itte. Ğiraqnıñ kürşese İran, anda xärbi kampaniä başlawğa qarşı çığa.

Ul arada CNN häm France Presse agentlığı, iseme äytelmägän Pentagon çığanaqlarına tayanıp, Ğiraq respublikan gvardiäseneñ ber öleşe ilneñ tönyağınnan, Saddam Xösäinneñ Tiqrit şähärenä taba küçüwe turında xäbär itte.

XS
SM
MD
LG