Accessibility links

якшәмбе, 4 декабрь 2016, Казан вакыты 21:41

Tatarstannıñ ike mäğlümat çarası eşen tuqtata


Qazanda eşläwçe Passaj radiosı üz yışlığın täwlek buye muzıkal tapşırular alıp baruçı Dunamit digän Mäskäw radiosına birergä uylıy. Bu waqiğa 25 martta bulaçaq. Passaj radiosı Qazan tarixına bağışlanğan säxifälär alıp bara ide, maxsus tapşırular äzerli ide. Şunıñ belän bergä Azatlıq radiosınıñ urıs telendäge tapşıruların da retranslyatsiäläde. Bu proyektlarnıñ kiläçäge älegä bilgesez.

Tatnews.ru internet gäzite isä üz eşen waqıtlıça ğına tuqtatu turında iğlan itte. Tatnews.ru Tatarstan turında operativ räweştä mäğlümatlar birep baruçı berençe säxifälärneñ berse ide. Xäzer, gäzitneñ täwge bitendä, «bezgä bäyle bulmağan säbäplär arqasında yabılıp torabız», dielä.

İke oçraqta da säbäplär kürsätelmi. Monı, soñğı waqıtta kübäyep kitkän FM-radiolar häm internet säxifälär arasında üz urının tapmaw yäki üzeñä reklama yasaw belän añlatıp bula.

Şul uq waqıtta, Exo Moskvı radiosınıñ Qazanğa yañadan ütep kerüe turında da bilgele buldı. Ütkän atnada Qazanga, radionıñ citäkçese kilep, şuşı xaqta söyläşülär alıp barğan. Radio Qazanda üz xäbärçelären dä buldırırğa teli ikän.

XS
SM
MD
LG