Amerikan xärbi köçläre, Bağdadnıñ könyaqkönçığışındağı Kut şähäre yanında Ğiraq Cömhütiät saqçılarınıñ Bağdad diviziäsen ciñüläre turında xäbär itä. Tağın ike diviziä başqalanıñ könyaqkönbatışında Kerbala şähäre yanında suğışa. Xäbär agentlıqları, amerikan xärbi wäkileneñ isemen äymiçä genä, Quşma Ştatları ğaskärläre Bağdadqa 30 häm 45 çaqrım qala cirlärdä tora, dip anıñ süzlären kiterde.
Ğiraq häm koalitsiä köçläre çığanaqları töbäktä barğan çaralar turımda qarşılıqlı xäbärlär birep tora. Ğiraq mäğlümat ministrı Said al-ahaf, koalitsiä köçläre Najaf şähärendä izge möselman häykällären utqa tottı, dip belderde. Aña qadär Amerikan xärbiläreneñ matbuğat wäkile David Luckett, Ğiraq ğaskärläre, şiği möselmannarıñ izge Ali mäçetennän koalitsiä köçlärenä ut açtı, dip xäbär itkän ide.
Soñğı xäbärne amerikan generalı Vincent Brook ta rasladı. Brook süzlärenä qarağanda, Amerikan ğaskärläre Ali mäçeteneñ şiği möselmannarı öçen izge bulğanın belä häm annan atılğan utqa cawap itep ut açmıy. Ğiraq mäğlümat ministrı äl-Sahaf Kerbala häm Kut şähärläre tiräsendä koalitsiä köçläre alğa kitmäde, dip belderde.
