Bügen Quetta şähäre uramnarına Ğiraq suğışına qarşılıq belderer öçen distälägän meñ paqstanlı çıqtı. Xalıq Baluschistan provinsiäse başqalasınıñ üzägendä cıyıldı, fundamentalist islam partiäläre Quşma Ştatları ğaskärläreneñ Äfğanstanda häm Ğiraqta xärbi çaralar alıp barunı qarı buluların belderde.Protest belderüçelär qullarına terror çeltäre başlığı Osama bin Laden häm Ğiraq prezidentı Säddäm Xösäin räsemnären totıp Ğiraqnı yaqlarğa, cihadqa çaqırdı.
İslamabadta, Paqstan senatı bügen ber tawıştan Quşma Ştatları häm Britaniäne “tınıç xalıqqa qarşı çiklänmägän köç qullanuda” ğayepläp rezolyutsiä qabul itte. Paqstan terrorğa qarşı köräştä Amerika Quşma Ştatları koalitsiäsendä.
