Gaza sızığında bulğan bäreleşlär näticäsendä kimendä 5 Fälestinle häm ber İsrael xärbie xäläk bulğan. Uzğan töndä distälägän İsrael tankı Misır çigendä urnaşqan Rafah qaçaqlar lagerına kergännän soñ, anda bäreleşlär başlanğan. Näticädä 5 Fälestinle ülgän, 45-e yaralanğan. İsrael yağında ber xärbi xäläk bulğan, 3-e yaralanğan. İsrael armiäse belderüenä qarağanda, Rafahta Misırdan qoral taşu öçen qullanılğan 30 metrlı 2 tunnel tabılğan. Monnan tış Hamas törkeme citäkçese Mäxmüt Äbü-Şmallanıñ yortı cimerelgän. Bügen Nablusta İsrael xärbiläre 16 yäşlek Fälestin yegeten atıp ütergän. Bu yeget İsrael maşinasına benzin tutırılğan şeşä taşlağan bulğan.
Şuşı waqiğalar Amerikanıñ Yaqın könçığışta yaña söyläşülär başlaw niätenä külägä töşerä. Uzğan töndä Fälestinneñ yaña bilgelängän premier-ministrı Mäxmüt Abbas Fälestin citäkçese Yasir Arafat belän qarşılıqqa kerep, xökümät utırışın taşlap çığıp kitte, häm dä wazifasınnan kitü belän yanadı. Fälestinneñ iminlek köçläre äle dä Arafatqa buysına.
Şuşı waqiğalar Amerikanıñ Yaqın könçığışta yaña söyläşülär başlaw niätenä külägä töşerä. Uzğan töndä Fälestinneñ yaña bilgelängän premier-ministrı Mäxmüt Abbas Fälestin citäkçese Yasir Arafat belän qarşılıqqa kerep, xökümät utırışın taşlap çığıp kitte, häm dä wazifasınnan kitü belän yanadı. Fälestinneñ iminlek köçläre äle dä Arafatqa buysına.
