Accessibility links

шимбә, 10 декабрь 2016, Казан вакыты 09:51

AQŞ Däwlät Sekretare Colin Powell Mäskäwdä


Amerika Quşma Ştatları Däwlät Sekretare Colin Powell Mäskäwdä tışqı eşlär ministrı İgor İvanov häm prezident Putin belän oçraştı. Powell Mäskäwgä-Rusiäne Berläşkän Millätlär Oyışması İminlek Şurasında bu atna azağında tawışqa quyılaçaq rezolyutsiä ölgesen yaqlarğa ügetläw öçen kilde. Rezolyutsiädä Quşma Ştatları Ğiraqtan çikläwlärne alırğa çaqıra. Mäskäw Däwlät Duması Amerika Quşma Ştatları belän tözelgän, atom töş qoralnıñ 3tän ike öleşen qısqartu turındağı kileşüne xupladı. Kiläse 10 yıl eçendä Waşington häm Mäskäw 1700dän alıp 2200 danägä qadär suğış çuqmarın qısqartaçaq. Mäskäwdä säfärdä bulğan Powell, Rusiä däwlät dumasınıñ bu qararın xupladı:“Mondıy könne Mäskäwdä buluğa bik şatmın. Duma, dönyada atom töş qoralnıñ külämen qısqartuğa taba alıp baraçaq adım qabul itte”, dide Powell. Uzğan yılnıñ mayında Amerikan häm Rusiä prezidentları oçraşuında qabul itelgän bu kileşüne Quşma Ştatları senatı xupladı inde.

XS
SM
MD
LG