İndoneziä saqlanu ministrı Matori Abdul Cälil süzlärençä, Jakartanıñ Marriot hotelenda bulğan terror ğämälen, Äl Qaidäneñ Äfğanstan häm Paqstandağı nığıtmasında äzerlek ütkän, Cemaa İslamiä törkeme keşeläre başqarğan. Şartlaw näticäsendä 10 keşe xäläk buldı, 150-se yaralandı. Şul uq törkem uzğan yıl Bali utrawında şartlaw oyıştıruda ğäyeplänä. Anda 200-dän artıq keşe ülgän ide. Quşma Ştatlar İndoneziädä çit il obyektlarına yaña xöcümnär ixtimal dip, üz watandaşların anda barudan totılıp qalırğa çaqırdı.
