BMO qaramağındağı Kosovo ölkäseneñ Serbiä çigendäge politsiä kontrol punktlarına ütkän töndä bilgesez şäxeslär ut açtı. Serbiä xökümäteneñ mätbuğat üzäge häcümdä yaralanuçılar yuq dip belderde. Kosovo tışındağı Konculj awılınnan ut açılğan, anda etnik albannar yäşi. Bu insident , çärşämbedä ike serb malayınıñ üterelüennän soñ,Kosovo häm tiräsendä wazğiätneñ kiskennäşkän ber mizgelgä turı kilde.Könyaq Serbiädä bu atna başında armiä bazasına yasalğan granad höcümendä ber soldat yaralandı. Serb räsmiläre insident öçen alban ekstremistların ğäyepli.
