Bağdadta Britaniä tışqı eşlär ministrı Jack Straw Ğiraqta xakimiätne koalitsion köçlärdän mömkin qädär tizräk Ğiraq xalqına tapşıru kiräklege turında äytte.
Straw Ğiraqqa kiçä kiç kilde. Ministr säyäsi protseslar belän xärbi tırışlıqlarnı bergä alıp barğanda xakimiätne kiläse yılnıñ iyün ayında tapşıru mömkin bulaçaq dide.
Straw şulay uq uzğan yazda Ğiraqqa höcüm başlawnıñ döres adım bulğanlığın yaqlap çıqtı. Ul, koalitsiä köçlärendä bernindi illüziälär bulmadı, häm zur bäreleştän soñ keçkenäräk bäreleşlärneñ bulaçağı aldan uq kötelgän ide dide.
Bügen AQŞ xärbiläre Bağdadtan tönyaqtağı köçlär Säddam Xösäin xakimiätendä ikençe citäkçe bulğan İzzat İbrahim äd-Durinıñ xatının häm qızın tottı dide.
Quşma Ştatlar äd-Durinı totarğa yardäm itüçegä 10 million dollar biräçägen belderde.
