Rumınia tışqı eşlär ministrı Mirça Joana, Quşma Ştatlar häm Yevropa Berlegen, Moldova krizisın xäl itüdä äwzemräk bulırğa çaqırdı. Bügen Brusseldä yasağan çığışında Joana, Moldova belän üz-bilgelängän Dnestr-buyı respublikası arasındağı konfliktnı çişü öçen Rusiä täqdim itkän plannı "üle tuğan" dip atadı. Mäskäw täqdim itkän bu plannı räsmi Kişenev häm Yevropada İminlek häm Xezmättäşlek oyışması da kire qaqtı. Quşma Ştatlar ul plannı şulay uq xuplamadı.
