Accessibility links

пәнҗешәмбе, 8 декабрь 2016, Казан вакыты 21:15

Törkmänstannıñ Mäskäwdäge ilçelege iminlekne köçäytüne sorıy


Törkmänstannnıñ Mäskäwdäge ilçelege Rusiäneñ tışqı eşlär ministrlığına ilçelek häm anıñ xezmätkärläreneñ iminlege öçen östämä çaralar kürüne sorap möräcäğät itte. Kiçä bilgesez keşelär ilçelek binasına qara tulı şeşälär atqan. İlçelek möräcäğätendä – bu inde berençe oçraq qına tügel, dielä. Törkmänstan wäkilçelege ğayeple bulğannarnı tabırğa häm cäza belderergä sorıy.

Rusiäneñ İnterfax mäğlümat agentlığı – bu xäl öçen cawaplılıqnı üz östenä Milli Bolşevik Partiäse aldı, dip xäbär itte. Älege firqa äğzaläre Törkmänstanda ruslarğa qarata şulay itep naçar mönäsäbätkä protest beldergän. Uzğan yıl prezident Saparmorat Niyazovqa höcüm bulğaç Törkmänstanda qayber çikläwlär kertelde. Alar arasında Törkmänstannıñ ber yaqlı ğına Rusiä watandaşlığın röxsät itkän kileşüne ğamäldän çığaruı da bar. Küp ruslar tiz arada Törkmänstannan kitergä mäcbür bulğan ide.

XS
SM
MD
LG