Xäzergä anda 1 million 740 meñ tawış birüçe terkälgän. Ämma terkälmägän saylawçılar da üz tanıqlıqları belän tawış birüdä qatnaşa alaçaq.
Küptän tügel ütkän parlament saylawlarınnan soñ säyäsi partiälär tawış birüçelär isemleklärendä xatalar buldı dip zarlandı.
Gruzidäge perzident saylawların Yewropada İminlek wä Xezmättäşlek Oyışmasınıñ 450-läp wäkile küzätäçäk. Bäysez Däwlätlär Berdämlegennän 90 küzätüçe kilä.
Bu saylawlarda Noyäber ayında elekke prezident Eduard Şevarnadzenı xakimiättän bärep töşergän kütäreleş citäkçese Mixail Saakaşvili ciñep çığar dip kötelä.
Aftonom Acarstan citäkçese Aslan Abaşidze partiäse bu saylawlarda qatnaşmıy. Ämma Abaşidze xalıqnı saylawlarğa barırğa çaqırdı.
