Accessibility links

чәршәмбе, 7 декабрь 2016, Казан вакыты 11:53

Britaniä Ğiraqta ğäskärläre bulğan başqa illär belän İspaniä soldatları çığıp kitkännän soñ bulaçaq buşlıqnı niçek turıru turında söyläşüen belderde


Kiçä Britaniä premyer ministrı Tony Blair Britaniä Ğiraqtağı ğäskärlären arttırırğa cıyınmıy, ämma bu mäs'älä daimi qaralıp tora dide. Bügen Blair süzçese älegä Britaniä Ğiraqqa östämä ğäskärlär cibärü turında qarar çığarmadı dide. Anda xäzer 9 meñläp britan soldatı bar. Bu mäs'älä İspaniäneñ yaña premyer ministrı Jose Luis Rodriguez Zapatero Ğiraqtağı 1300 ispan soldatın mömkin qädär tizräk ilgä qaytarırğa quşqannan soñ kütärelde. Bügen Ğiraqta Bolğarstannıñ 5-nçe soldatı ülgännän soñ Bolğarstan parlamentınıñ 5 äğzası Ğiraqtağı 485 keşelek Bolğarstan ğäskärlären annan çığarunı taläp itte. Bu mäs'äläneñ qayçan qaralıp tawışqa quyılaçağı äle mäğlüm tügel.

XS
SM
MD
LG