Yevrokomissiä wäkile Reijo Kemppinen bu qararnı nigezsez dip atadı, häm Dönya säwdä oyışmasına kerergä omtılğan Rusiä öçen mondıy xäräkätlär kileşkän närsä tügel dide. Komissiä äğzäläre, şul isäptän anıñ räise Romano Prodi süzlärenä qarağanda bu qararnı gämäldän çığaru öçen Mäskäw belän söyläşülär bara. Rusiägä itne Yevropa berlegenä kergän 12 il satqan. Yıl äylänäsendä bu tawar äyläneşe ber milliard öç yöz million euro täşkil itkän.
