Başqortstannıñ İspaniägä yalğa baruçı balalarnı ozatuçı «TU – 154» oçqıçınıñ Germaniä kügendäge hälaqätenä 2 iyül könne tögäl ike yıl tuldı. Şuşı xäsrätle kön uñayınnan, comğa könne Ufanıñ Könyäk ziratında märxümnärne iskä alu çarası bulıp ütte. İrtänge säğätlärdä ük oçqıç faciğäsendä hälaq bulğannarnıñ ata – anaları häm başqa tuğannarı, dusları, cämğıse 150 läp keşe bergä cıyılıp ziratqa kilde. Bu yulı älege xäter çarasında respubliknıñ iñ yuğarı citäkçelärennän berkem dä bulmadı. Barı tik, premer – ministr urınbasarı, respubliknıñ xalıqnı eş belän täemin itü häm sotsiäl yaqlaw ministrı Fidus Yamaletdinov qına kilgän ide. Anıñ qarawı, möselman, prawoslaw häm qatolıyk dini ruxanıyları kilgän bu xäsrätle çarağa. Alar märxümnär ruxına ayätlären uqıdı, doğalar qıldı.
İskä töşerep ütäbez, 2002 yıldağı faciğädä Başqortstan oçıqıçında 69 keşe hälaq buldı. Şularnıñ 48 e yalğa baruçı mäktäp balaları, qalğannarı alarnı ozata baruçı tärbiäçelär häm oçqıç ekipäjı ide. Älege qotoçqıç hälaqätkä ike yıl ütsä dä, anıñ öçen ğäiplelärgä haman da xoquqıy bäyä birelmägän. Tikşerü näticäläre buyınça tulısınça üz ğayıben tanığan «Sqayğayd» dispetçerlıq şirkäte qorbannarnıñ tuğannarına aqçalata qompensatsiä tüläwne dä haman suza kilä. Äle yañaraq Şweysariäneñ bu şirkäte märxümnärneñ ata – analarına häm tuğannarına 150 –şär meñ dollar aqça biräçägen äytte. Ämma anıñ da 50 meñ dolları aldan kileşü buyınça adwoqatqa birelergä tieş ikän. Şulay itep qorbannarnıñ tuğannarına 100 meñ dollar ğına qala. Bu külämne qayber ğäilälär üzlären mısqıl itü dip qabul itte häm ul aqçadan baş tarttı. Ämma Almaniä adwoqatı qayber ğäilälärne şul küläm aqçağa da ügetli alğan digän xäbärlär bar. Şulay itep äle qompensatsiälär tiräsendäge añlaşılmawçanlıq däwam itä. Küp ğäilälär bu xäldä iñ möhime aqçanıñ küläme tügel, ä ğäiplelärgä tieşle cäzanı birü dip isäpli. Alarnı «Sqayğayd» şirkäteneñ üz ğäziz balaları ğömeren şulay arzanğa bäyäläwe nıq räncetkän. Şuşı uq fikerne bügenge matäm çarasında Faciğa qorbannarı tuğannarı berlege citäkçese Zölfät Xammatov ta äytte. Şulay itep äle märxümnärneñ tuğannarı bu faciğa öçen ğäiplelärne cawapqa tartu öçen mäxkämä yulına basarğa äzer buluların da äytä. Ufanıñ Könyäk ziratındağı xäter çarasınnan soñ, qorbannarnıñ ata – anaları häm tuğannarı, uzğan yıldağıça uq, märxümnärne iskä alu mäclesenä kitte.
İskä töşerep ütäbez, 2002 yıldağı faciğädä Başqortstan oçıqıçında 69 keşe hälaq buldı. Şularnıñ 48 e yalğa baruçı mäktäp balaları, qalğannarı alarnı ozata baruçı tärbiäçelär häm oçqıç ekipäjı ide. Älege qotoçqıç hälaqätkä ike yıl ütsä dä, anıñ öçen ğäiplelärgä haman da xoquqıy bäyä birelmägän. Tikşerü näticäläre buyınça tulısınça üz ğayıben tanığan «Sqayğayd» dispetçerlıq şirkäte qorbannarnıñ tuğannarına aqçalata qompensatsiä tüläwne dä haman suza kilä. Äle yañaraq Şweysariäneñ bu şirkäte märxümnärneñ ata – analarına häm tuğannarına 150 –şär meñ dollar aqça biräçägen äytte. Ämma anıñ da 50 meñ dolları aldan kileşü buyınça adwoqatqa birelergä tieş ikän. Şulay itep qorbannarnıñ tuğannarına 100 meñ dollar ğına qala. Bu külämne qayber ğäilälär üzlären mısqıl itü dip qabul itte häm ul aqçadan baş tarttı. Ämma Almaniä adwoqatı qayber ğäilälärne şul küläm aqçağa da ügetli alğan digän xäbärlär bar. Şulay itep äle qompensatsiälär tiräsendäge añlaşılmawçanlıq däwam itä. Küp ğäilälär bu xäldä iñ möhime aqçanıñ küläme tügel, ä ğäiplelärgä tieşle cäzanı birü dip isäpli. Alarnı «Sqayğayd» şirkäteneñ üz ğäziz balaları ğömeren şulay arzanğa bäyäläwe nıq räncetkän. Şuşı uq fikerne bügenge matäm çarasında Faciğa qorbannarı tuğannarı berlege citäkçese Zölfät Xammatov ta äytte. Şulay itep äle märxümnärneñ tuğannarı bu faciğa öçen ğäiplelärne cawapqa tartu öçen mäxkämä yulına basarğa äzer buluların da äytä. Ufanıñ Könyäk ziratındağı xäter çarasınnan soñ, qorbannarnıñ ata – anaları häm tuğannarı, uzğan yıldağıça uq, märxümnärne iskä alu mäclesenä kitte.
