İlneñ tönyağında suyarğa alıp barılğan 80gä yaqın etne qotqarğannar. Polisiä süzlärenä qarağanda örmäsennär öçen awızları qatı itep bäylängän etlärne – et ite delikatess sanalğan ilneñ tönyağındağı Baguio şähärenä yök maşinasında alıp barğan bulğannar. Polisiä maşinanı 18 säğat bayına quğan, soñınnan maşina yärtüçese tuqtarğa mäcbür bulğan. Xäzerge waqıtta etlär Filippin başqalası Manilada awıl xucalığı ministrlığı qaramağında. Etlärne it öçen satu Filippinda tıyılğan. Ämma qanunsız räweştä satuçılar ber etne 2 dollar çaması aqçağa alıp yaqınça 7 tapqır arttırıp restorannarğa sata.
