Accessibility links

пәнҗешәмбе, 8 декабрь 2016, Казан вакыты 08:57

Belarus, Qazaxstan, Rusiä häm Ukraina citäkçeläre Astanädä cıyıldı


Belarus, Qazaxstan, Rusiä häm Ukraina citäkçeläre Urtaq İqtisadıy Möxit turında söyläşü öçen bügen Qazaxstan başqalası Astanädä cıyıldı. Qazaxstan prezidentı Nursoltan Nazarbayev kürşe illärneñ yaraqlaştırılğan iqtisadıy xezmättäşlege turındağı täqdimnärne xupladı. Şul uq waqıtta ul artıq küp urtaq proyektlar kiräk tügel dide.

AUDİO: Berdäm İqtisadıy Möxitneñ urtaq proyektların tormışqa aşıru ayırım söyläşügä layıq. Bu uñaydan Ukraina prezidentı Leonid Kuçmanıñ ğäläm ölkäsendä xezmättäşlek täqdime bik perspektivalı dip bäyälänä ala. Poyektlar sanı artınnan quu tügel, ä bezneñ illärdäge intellektual' häm finans resursların 2-3 çınnan da otışlı proyektarğa tuplaw kiräk.

Astanädäge bügenge iqtisadıy söyläşülär BDB citäkçeläreneñ irtägä açılaçaq 2 könlek söyläşüe aldınnan ütkärelä. Anda Bäysez Däwlätlär Berdämlegenä kergän 12 elekke sovet respublikası citäkçese qatnaşaçaq. Şuşı sammit waqıtında Azäräbäycan häm Ärmänstan prezidentları ayırım oçraşıp Tawlı Karabax nizağı turında da söyläşä.

XS
SM
MD
LG