Fälestin citäkçeläre Parij yanındağı xärbi xastaxanädä yatuçı Yasir Arafatnıñ xäle bik nıq awır dip delderde. Bügen alar 2 atna çaması elek Arafat kiterelgän xastaxanädä buldı.
Fälestinne Azat İtü Oyışması general' sekretare Mäxmüt Abbas belderüençä, tabiblar 75 yäşlek Arafatnıñ bik nıq awır xäldä buluın äytkän.
Xastaxanädä Abbas belän bergä fälestin premyer minsitrı Äxmät Qurai häm tışqı eşlär ministrı Näbil Şaat ta buldı.
Alar Arafatnıñ üzen kürgänme-yuqmı älegä açıq qına xäbär itelmi. Arafat märtkä kitkän xäldä dielä. Arafatnıñ xatını Suha fälestin citäkçeläreneñ xastaxanägä kilüenä qarşı buluın beldergän ide.
Fälestin citäkçeläre Fransiä prezidentı Jacques Chiracnı kürergä häm matbuğat oçraşuı ütkärergä cıyına.
Arafat bu xastaxanägä 29-nçı üktäberdä kiterelde. Tabiblar äytüençä, Arafatta älegä bilgelänmägän nindider qan awıruı bar.
