Accessibility links

шимбә, 3 декабрь 2016, Казан вакыты 14:41

Mosulda 20dän artıq keşe hälaq bulğan


Bügen Ğiraqnıñ tönyağında urnaşqan Mosul şähärendä, xärbi nığıtmağa bulğan raketa höcümnäre ntäicäsendä kimendä 20dän artıq keşe hälaq bulğan, 60tan artığı yaralanğan. Qorbannarnıñ kem ikäne älegä tögäl bilgele tügel. Bu nığıtmanı Amerikan häm Ğiraq xärbiläre bergäläp qullana ide. Äl-Qaidä belän bäyle bulğan "Ansar Äs-Sunna armiäse", ber İslamçı İnternet säxifäsendä, bu höcüm öçen cawaplılıqnı üz östenä aldı.

Şulay uq tönyaqta urnaşqan Baquba şähärendä bügen cirle xökümät wäkile Talib İbrahim üterelgän. Atom ğalime bulğan İbrahimğa bilgesez keşelär Universitetqa eşkä barğanda atqannar.

Waqıtlı Eçke eşlär ministrı Falah Äl-Näqib süzlärençä, Ğiraqnıñ üz iminlek köçläre buldırılğannan soñ barlığı meñgä yaqın politsiä xezmätkäre üterelgän.

Könbatıştağı Hit şähärendä amerikan oçqıçları höcüme näticäsendä 4 keşe hälaq bulğan dip xäbär itelä. Xärbilär älegä bu xäbärne raslamadı.

XS
SM
MD
LG