Rusiä prezidentı Vladimir Putin Yukosnıñ neft tabuçı Yuganskneftegaz şirkäten satu auksionı tulısınça Rusiä qanunnarı nigezendä ütte dip belderde. Bu belderüen ul Germaniäneñ Schleswig şähärendä ütkän matbuğat oçraşuında yasadı. Anıñ süzlärençä, auksionda ciñep çıqqan Baykalfinansgroup şirkäte payçıları – energetika tarmağında ozaq yıllar eşlägän keşelär. Şuşı könärdä genä oyışqan bu şirkät artında kem torğanı älegäçä ser bulıp qala. Ul arada Yukos citäkçeläre uzğan yäkşämbe ütkän auksion näticälären mäxkämägä biräçägen belderde. Kompaniä belderüendä äytelgänçä, Amerikan mäxkämäsenä yasalğan möräcägät nigezendä, Yuganskneftegaz äle dä Yukos mölkäte bulıp qala.
