Mäskäw -- Rusiä prezidentı Vladimir Putinnıñ iqtisad kiñäşçese Andrei İllarionov Yukosnıñ töp mölkäte bulğan Yuğanskneftegaz şirkäten satunı yılnıñ "iñ aldawlı eşe" dip atadı. Bügen Mäskäwdä ütkän matbuğat oçraşuında, Yukos tarixı şunı kürsätte: uyın qağidäläre mänfägätkä qarap mizgel sayın üzgärep tora, moña bernindi räsmi, yä yarım-räsmi añlatma bula almıy, dide ul. Prezident kiñäşçese süzlärençä, Yukos eşe Rusiä iqtisadına qotıçqıç zur zıyan kiterä. Mondıy iqtisadi säyäsäte belän Rusiä tulayım citeşterüen 10 yılda ike tapqır arttıra almıy, dide ul. Putin üze, Yuğanskneftegaz'nıñ däwlät qaramağındağı Rosneft qulına küçüen "tilısınça qanuni ğämäl" dip atağan ide.
