Accessibility links

чәршәмбе, 7 декабрь 2016, Казан вакыты 23:21

Ğiraqta ğisyançılar yaña höcüm belän 21 keşene üterde


AQŞ xärbiläre äytüençä bügen biredä xärbi xezmätkä alu üzäge yanında intixarçı bomba şartlatıp 21 keşene ütergän, 27 keşene yaralağan. Ğiraq räsmiläre isä bu üzäkne minaatqıçtan utqa tottılar di. Şartlaw öçen cawaplılıqnı Äl-Qaidä belän bäyle törkem üz östenä aldı. Şul uq törkem kiçä Mosul belän Baqubada küpçelege politsiä xezmätkärläre bulğan 24 keşene ütergän şartlawlarnı üze oyıştırğanlığın belderde.

Bügen Bağdadta qorallı keşelär şığıy säyäsätçe Mital äl-Alusinıñ konvoyına höcüm itep anıñ ike ulın üterde. Süriä belän İran turında tänqit çığışları belän mäğlüm Mital üze isän qaldı. Bügen Ğiraq şığıyları citäkçese Ayatulla Ali Äs-Sistaninıñ süzçese Xämit äl-Xäfäf äs-Sistanı ilneñ yaña konstitutsiäsen Şäriğätkä nigezläwne taläp itmi dide. Äl-Xäfäf äytüençä äs-Sistani yaña konstitutsiä Ğiraq xalqınıñ İslamğa nigezlängän mädäni üzençälegen xörmät itärgä tieş digän qaraşta qala.

XS
SM
MD
LG