Yerusalim. İzrail xökümäte general Dan Halutznı ilneñ qorallı köçläre idaräseneñ yaña başlığı itep bilgeläwne rasladı. Xökümätneñ şuşı qararı turında bügen ğäskär radiosı aşa premyer-ministr Ariel Şaron xäbär itte. Anıñ süzlärençä, ul üze Halutznıñ ğäskär başlığı bularaq uñışlı eşläwenä ışana. Yaña xärbi citäkçe İzrail köçläreneñ şuşı yıl azağına qädär Gaza sızığınnan çığuın oyıştıraçaq. Älegä qädär general Halutz, xärbi idaräneñ xäzerge başlığı general Moçe Yaalon urınbasarı ide, saqlanu ministrı Şaul Mofaz isä Yaalonnıñ yül azağında tämamlanaçaq wäkalätlären ozaytmasqa häm anıñ urınına aldağı 3 yılğa general Halutznı bilgelärgä buldı.
