Accessibility links

җомга, 9 декабрь 2016, Казан вакыты 06:50

Waşington Ğiraqnı tözekländerü konferensiäsendä İrannıñ qatnaşuına qarşı tügel


Quşma Ştatlar Ğiraqnı tözekländerü turında AQŞ qatnaşlığında oyıştırılğan xalıqara konferensiädä İrannıñ qatnaştırıluına qarşı bulmawın belderde. Monı AQŞ däwlät sekretare Condoleezza Rice kiçä Waşingtonda Yewropa Berlege ministrları belän oçraşudan soñ äytte.

AUDİO: Bezneñ qaraştan alarnıñ bu konferensiägä çaqırıluı problema tügel. Bezneñ İran belän mönäsäbätlärebez yuq. Häm äykänebezçä, minemçä min monı Ğiraqta bulğanda äytkän idem, bez İran belän Ğiraqnıñ yaxşı, kürşelärçä häm açıq mönäsäbättä buluın telibez. Häm ägär şuşı maqsatqa xezmät ikän bez monı xuplıybız. 22-nçe yündä Brüssel'dä ütäçäk bu konferensiäne AQŞ Yewropa Berlege häm Ğiraq belän bergäläp oyıştıra. Ämma xäzerge waqıtta Yewropa Berlegendä prezidentlıq itüçe Lüksemburgnıñ tışqı eşlär ministrı Jean Asselborn Lüksemburgnıñ İran belän mönäsäbätläre bar hämİran bu konferensiägä çaqırıla dide. Rice İrannıñ qatnaşuına qarşılıq beldermäsä dä İrannı tağın ber märtäbä tänqitläp çıqtı. Ul İrannı terrorçılarğa yardäm itüdä, Yaqın Könıçığta tınıçlıq urnaştıruğa qomaçawlawda häm atom-töş qoralları yasarğa tırışu mömkinlegendä ğäyepläde. İran tışqı eşlär ministrlığı süzçese Rice äytkännärne tänqitläp İran töbäktä Amerika kertkän üzgäreşlärgä qarap atlamıy, töbäktäge xalıqnıñ üz yazmışın bilgeläw öçen säyäsi sizgerlege citärlek dide.

XS
SM
MD
LG