Mäskäw -- Rusiäneñ berniçä şähärendä bügen Kurski su astı köymäse faciğäsenä 5 yıl tulu uñayınnan matäm çaraları ütte. Näq 5 yıl elek, 2000 yılnıñ 12 awgustında Kurski su astı köymäse Barens diñgezendä qazağa oçradı. 118 diñgezçeneñ kübese berençe şartlawda uq häläk buldı. İsän qalğan 23-e berniçä kön buyına yärdäm kötep yattı. Qotqaru eşläreneñ sülpän baruı, çit il yärdämeneñ kire qağıluı Rusiäneñ üzendä dä, çittä dä cämäğätçelekne şaq qattırdı. Rusiä prezidentı Vladimir Putin kisken tänqitkä tartıldı. Bügen Mäskäwdä Rusiäneñ Xärbi Flot ştabı başlığı Valdimir Masorin, kiläçäktä andıy qazalarnı buldırmas öçen Rusiä çit ildän yaña cihaz satıp alaçaq dide:
"Bez, şul uq Britaniädä, Pantera dip atalğan yaña zamança cihaz taptıq. 3 million dollar çaması tora. Bez anı yaqın arada satıp alaçaqbız. Ul Rusiäneñ üzägendä, här mizgeldä yärdämgä kilergä äzer toraçaq."
Kurski köymäsendä qorban bulğan 55 diñgezçeneñ ğailäläre räsmi tikşerü näticäläre belän qänäğät tügel. Yıl başında alar Yevropa keşe xoquqları mäxkämäsenä möräcäğät itte. Bügen Rusiäneñ ğibädät yortlarında matäm çaraları ütte, diñgezçelär ber minut tınlıq totttı. Kurski şähärendä Kurski su astı faciğäse qorbannarına häykäl açıldı.
"Bez, şul uq Britaniädä, Pantera dip atalğan yaña zamança cihaz taptıq. 3 million dollar çaması tora. Bez anı yaqın arada satıp alaçaqbız. Ul Rusiäneñ üzägendä, här mizgeldä yärdämgä kilergä äzer toraçaq."
Kurski köymäsendä qorban bulğan 55 diñgezçeneñ ğailäläre räsmi tikşerü näticäläre belän qänäğät tügel. Yıl başında alar Yevropa keşe xoquqları mäxkämäsenä möräcäğät itte. Bügen Rusiäneñ ğibädät yortlarında matäm çaraları ütte, diñgezçelär ber minut tınlıq totttı. Kurski şähärendä Kurski su astı faciğäse qorbannarına häykäl açıldı.
