Ğiraq başqalasınıñ könbatışında ğisyançılar politsiä kizüenä maşinalarğa quyılğan bombalar häm utlı qorallar belän höcüm itkän, kimendä ber keşe üterelgän digän xäbärlär bar.
Bügen Ğiraqnıñ yustitsiä ministrı urınbasarı Awşu İbrahimğa soñğı 2 köndäge ikençe höcüm buldı. Qorallı keşelär İbrahimnı ozata baruçı törkemgä ut açıp anıñ 4 tän saqçısın üterde, İbrahim üze isän qaldı.
Ğiraq prezidentı Cäläl Talabani Sönnilärneñ yaña konstitutsiä ölgesen qabul itüenä ireşü maqsatında Şığıy, Sönni häm Körd törkemnäre citäkçeläre belän yaña söyläşülär ütkärde.
Talabani Ğiraqnıñ yaña konstitutsiäse ildäge barlıq törkemnär öçen bulırğa häm sönnilärneñ teläklären isäpkä alırğa tieş dide.
Konstitutsiä ölgese turında kileşü öçen birelgän waqıt 3 köngä, pänceşämbegä qädär ozaytıldı. Küzätüçelär konsensusqa ireşü mömkin tügel kebek kürenä di.
Sönni säyäsi citäkçeläre yaña konstitutsiä bezneñ mänfäğätlärgä qarşı kilä dip aña qarşı çıqtı.
