Accessibility links

дүшәмбе, 5 декабрь 2016, Казан вакыты 03:41

İran atom söyläşülärendä Britaniä, Fransiä häm Germaniä belän genä çiklänergä telämi


Atom söyläşülärendäge İrannıñ baş wäkile Ali Larijani atom söyläşülären barı Britaniä, Fransiä häm Germaniä belän genä alıp barunı däwam itüdä mäğnä kürmäwen belderde. İran Yewropanıñ Tähran atom eşçänlegen tuqtatqan oçraqta aña iqtisad häm iminlek ölkäsendä yardäm täadimen kire qaqtı. Könbatış İrannıñ bu eşçänlege atom qoralı yasawğa kiterä ala dip qurqa. İran üzeneñ tınıç maqsatlarda eşläwçe atom programmasına xoquqlı buluın äytep qayber atom eşçänleklären yañartıp cibärde. Bügen däwlät televideniesendä çığış yasap Larijani söyläşülärdä barı Britaniä, Fransiä häm Germaniä belän çiklänü kiräklegenä şik belderde. Ul İran bu söyläşülärne BMO Xalıqara Atom Energiäse İdaräse şurasındağı başqa äğzalar belän dä däwam itä alır ide dide. Larijani tağın ber märtäbä prezident Mäxmüt Äxmädinicatnıñ söyläşülärne däwam itü öçen yaña täqdimnär belän çığuın äytep, ul täqdimnär yaña xökümät eşli başlaw belän iğlan iteläçäk dide.

XS
SM
MD
LG