Accessibility links

дүшәмбе, 5 декабрь 2016, Казан вакыты 19:48

Qazanda metro tözeleşe tizdän däwam iteläçäk


Tatarstan prezidentı haman da qunaqlarnı qabul itä. 31 avgustta Qazan kremlendä ul Kuwäytnıñ islam häm waqıflar eşläre ministrı Ğabdulla Määtük äl Määtük belän oçraştı. Määtükneñ Şäymiev belän inde 3 oçraşuı, soñğı yulı alar Qol Şärif mäçete açılğanda küreşep, söyläşkän idelär. Çärşämbe könne uzğan oçraşuda süz Tatarstan belän Kuwäyt arasındağı xezmättäşlekne tağı da üsterü xaqında bardı. İke yaq ta aralaşu şulay yış häm näticäle baru belän qänäğätlelek belderdelär. Şul uq könne Mintimer Şäymiev bilgele dirijer, Tatarstannıñ, Rusiäneñ häm Qazaqstannıñ xalıq artistı Foat Mänsurovnı da qabul itte. Oçraşu waqıtında Foat Mänsurovqa Qazanıñ meñyıllığı istälegenä digän medal tapşırıldı.

Ä menä Qazan metrosın tözüçelär xalıqnı bäyrämnän soñ da şatlandırdılar. Tatar-inform agentlığınnan alınğan mäğlümätlärgä qarağanda, şähär metrosın tözü inde berär atnadan uq däwam itäçäk. Xäzerge köndä iñ soñğı bulıp torğan Gorki tuqtalışınnan Ciñü prospektına qädär yul suzılaçaq. Anıñ ozınlığı ber kilometr bulır, dip kötelä. Respublikanıñ awıl xucalığı xezmätkärläre bäyrämnärgä dä qaramastan eşlären däwam itä. Tatarstan qırlarında uñışnı urıp-cıyu axırına yaqınlaşa. Awıl xucalığı ministrlığınıñ 31 avgustqa cıyılğan mäğlümätlärenä qarağanda, uraq eşläre inde 89 protsentqa tämamlanğan.

XS
SM
MD
LG