Xalıq qarşılığı komitetı isemle fälestin suğışçan törkeme Gazadağı elekke iminlek başlığı Musa Arafatnı üterü öçen cawaplılıqnı üz östenä aldı.
Älege törkem süzçese Möxämmä Abdel Al Arafatnı bezneñ törkemneñ qorallı qanatı bulğan Säläxetdin törkeme üterde dide. Ul Arafatnı doşmannar belän xezmättäşlek itüçe dip atadı.
Elekke fälestin citäkçese Yasir Arafatnıñ tuğannan tuğanı Musa Arafatnıñ öyenä bügen irtän qorallanğan distälärçä suğışçı kerep anı atıp üterde, anıñ ulın alıp kitte.
Bıyıl fälestin citäkçese Mäxmüt Abbas Yasir Arafat çorınnan qalğan iminlek xezmätkärlärennän arınu barışında Musanı eşennan çığarğan ide.
