Accessibility links

җомга, 9 декабрь 2016, Казан вакыты 20:22

Saylaw aldı könendä dä Germaniädä ügetläw eşläre tuqtalmıy


Berlin. Germaniädä ğomumi saylawlarğa ber genä kön qaluğa qaramastan, säyäsi köçlär anda bügen dä ügetläw eşlären däwam itte. Fiker beleşü näticäläre älegä oppozitsiädä torğan xristian-demokratlarnı yaqlawnıñ älegä kiñräk buluın häm alarnıñ citäkçese Angela Merkelneñ berençe xatın-qız kansler bulu ixtimalı zur ikänlegen kürsätä. Könçığış Germaniädä tuğan Merkel bügen Bonnda uzğan saylawaldı cıyınında, üzeneñ il belän idarä itüne yaxşıraq başqara aluın belderde. Ul, bez Germaniäne ayaqqa bastırğan häm anı berläştergän kebek ük, xäzer dä ilne 21-nçe ğasırğa uñışlı ğına kertergä sälätle, monı ğämälgä quyu öçen min sezneñ yaqlawğa moxtac, dip belderde. Saylawaldı köräşendä töp mäs'älälär bulıp eşsezlek, pensiä reforması häm iqtisadnı liberal'läşterü tordı.

XS
SM
MD
LG