AQŞ däwlät sekretareneñ diplomatiä häm cämäğätçelek eşläre öçen urınbasarı Karen Hughes Yaqın Könçığış amerikanıñ töbäktäge maqsatların yalğış añlıy, dip belderde. Bu süzlärne ul Qahirädä Misır premyer-ministrı Ahmed Nazif belän oçraşudan soñ äytte. Amerika Quşma Ştatlarnıñ maqsatı, dide Hughes, fälestinnärgä yaxşıraq tormış buldıru. AQŞ wäkile Waşington häm Qahirä arasındağı tığız elemtälär, Misırnıñ soñğı prezident saylawlarına xuplaw belderde. Noyaber ayında ütäçäk parlament saylawlarına xalıqara küzätüçelärneñ kerä aluına ömet itüen äytte. Karen Hughes şulay uq Söğüd Ğäräpstan häm Törkiägä baraçaq.
