Accessibility links

шимбә, 3 декабрь 2016, Казан вакыты 20:40

Qabulda intixar höcüme: 9 keşe häläk buldı


Başqaladağı xärbilärne öyrätü üzäge yanında intixar höcüme buldı. Associated Press mäğlümat agentlığı saqlanu ministrlığınıñ matbuğat wäkile Möhämmäd Zaher Azimi süzlären kiterep, kimendä 9 keşe häläk buldı, 20gä yaqını cärähätlär aldı, dip xäbär itte. Şartlaw xärbilär öylärenä qaytırğa avtobuslar kötep torğan waqıtta bulğan.

Äfğanstan eçke eşlär ministrı Ali Ahmad Cäläli wazifasınnan prezident Hamid Qarzai belän bulğan qarşılıqlar säbäple kitüen kire qaqtı:

"Matbuğat çaralarında çıqqan minem Äfğanstan prezidentı Hamid Qarzai belän qarşılıqlar arqasında eştän kitüem turındağı ğäybät – nigezsez," dide Cäläli.

Qabulda cıyğan matbuğat oçraşuında Cäläli, şulay da, xökümätneñ äfyüngä qarşı çaraları bik sülpän häm näticäsez, dide. Elek "Amerika Awazı" radiosınıñ äfğan redaksiäse başlığı bulğan Cäläli 2002nçe yılda Äfğanstanğa qaytqan ide. Ämma xäzer ul Amerika Quşma Ştatlarında uqıtu eşen däwam itergä teläge buluın belderde.

XS
SM
MD
LG