Accessibility links

шимбә, 10 декабрь 2016, Казан вакыты 09:50

İzrail-Fälestin oçraşuı kiçekterelde


Yäkşämbegä bilgelängän İzrail premyer-ministrı Ariel Şaron häm Fälestin prezidentı Mahmud Abbas oçraşuı – kiçekterelde. Bu xaqta fälestinnärneñ aradaşçısı Saeb Erekat xäbär itte. Yuğarı däräcädäge bu oçraşu töbäktä soñğı waqıtta artıp kitkän köç qullanu arqasında kiçekterelde. Qahirädä säfärdä bulğan Erekat, Amerika Quşma Ştatları prezidentı George Bushnı, İzrail-Fälestin nizağın çişügä qatnaşırğa çaqırdı.

İzrail saqlanu ministrı urınbasarı Zeev Boim, Hamas suğışçıların, höcümnärne tuqtatırğa, tağın ber höcüm bula qalsa, İzrailneñ kisken cawabı bulaçaq, dip yanadı. Bügen İzrail xärbiläre Könbatış Yarda, Qalqilya häm Tulkarem şähärlärendä Hamas belän bäyläneştä bulğan yortlarnı tikşerde. İzrail şulay uq Gaza şähärenä hawa höcümnäre yasadı.

XS
SM
MD
LG