Törmälär idaräseneñ matbuğat xezmäte başlığı Sergey Sidorov äytüençä, deputat Tınıçbäk Akmatbayev Bişkäk yanındağı Moldovanovka törmäsendä üterelgän. Şul törmäneñ başlığı İkmätulla Polotov ta totıq itep alınğan.
Elegräk eçke eşlär ministrlığınıñ matbuğat xezmäte totıq alu waqıyğasında atu tawışları işetelde, Akmatbayevnıñ ike tän saqçısı yaralandı dip belderde. Bügenge ğisyan waqıtında törmädä 3 keşe üterelde dip xäbär itelä
Ul törmägä barğan Azatlıq xäbärçese äytüençä, törmädä ğisyanıçlar belän premyer ministr Feliks Kulov, eçke eşlär ministrı Murat Sutalinov häm baş prokuror wazıyfasın başqaruçı Kambaralı Kongantiev söyläşülär alıp bara.
