Tokio – Rusiä prezidentı Vladimir Putin häm Yaponiä premier-ministrı Yuniçiro Koizumi ike il arasındağı iqtisadi bäyläneşlärne nığıtırğa, bäxäsle utrawlar mäsäläsen xäl itü tırışlığın köçäytergä kileşte. Tokioda ütkän söyläşülärdän soñ Koizumi, kiläçäktä utrawlar tiräsendäge bäxäs iqtisadi xezmättäşlekkä kirtä bulmayaçaq dide. Utrawlarğa kilgändä, bu mäsälädä qarşılıqlar bar. Şuşı möxim mäsälägä çişeleşne, bez xezmättäşlekne kiñäytü yulında ezlärgä kileştek, - dide Yapon premier-ministrı. Putin Yapon investorların Rusiägä aqça salırğa çaqırdı, yaña tözeläçäk Seber neft ütkärgeçe, Qıtayğa ğına tügel, Yaponiä häm töbäkneñ başqa illärenä dä faydağa bulaçaq dide. Bu proyekt bar töbäkneñ energetika infrastrukturasın nığıtaçaq, illärneñ iqtisadlarına östenleklär biräçäk, - dide Rusiä prezidentı. İke citäkçe iminlek mäsäläsendä ministrlar däräcäsendä söyläşülär başlarğa kileşte, terrrorçılıqqa qarşı häm Yaponiäneñ - Rusiäneñ Dönya Säwdä Oyışmasına kerüen xuplawı turında kileşülär imzaladı.
