Harbin -- Qıtaynıñ ximiä şirkätendä bulğan şartlaw näticäsendä Songua yılğasına eläkkän ağulı matdälär bügen 4 millionlı Harbin şähärenä kilep citte. Şähärne su belän täemin itü berniçä kön elek tuqtatılğan ide. Qıtay räsmiläre äytüençä, ağulı matdälär 2 atna eçendä Qıtay-Rusiä çigenä citep Amur yılğasına elägäçäk. Xabarovski krayında comğadan başlap ğädättän-tış xäl kertelä.
