Uzğan atnada “İzwestiä” gäzitenä birgän äñgämäsendä Prezident respubliknıñ yağulıq energetiqä qompleksı kem qulında buluı, oppozitsiä eşçänlege häm başqa mäsälälärdä fikerläre belän büleşkän ide. Berläşterelgän oppozitsiäneñ 7nçe dekäbr uzğan utırışında ul zaqazlı mäqälä dip bäyäälände. Çığışlarğa qarağanda, ul Mortaza Räximov imidjın kütärü öçen yasalğan piar-çara bulıp tora. Çönki milli respublik Prezidentlarınnan tik öç kenä töbäk başı Putin tarafınnan urınında qalu turında xäyer-fatıyxa almağan. Alar: Yaqutiä, Udmurtiä häm Başqortstan Prezidentları.
