Accessibility links

İldä nilär bulıp yata? - 11.IV.2008


►Federal üzäk Qazandağı törek uqıtuçılarına qarşı çığa ►Tatarlar Rusiä yarışınıñ däräcäsen kütärä ►Törek xanımnarı xäyriägä öyrätä ►Tuqay premiase birelä başlawğa 50 yıl ►Putin wäğdäsendä tormadı


--------------------------------------------------------------------------------------------

►Törek xanımnarı xäyriägä öyrätä



Öçençe yıl rättän töreklär Qazanda “İdel-bank” binasındağı “Art-eko” galeriasında xalıqara xäyriä kürgäzmäsen oyıştıra.

Ul xatın-qızlar tarafınnan quldan eşlängän äyberlärne satudan ğıybarät. Qul eşläre satılğaç, alardan kergän kerem balalar yortlarına, yätimnärgä yärdäm bularaq qullanılaçaq. Şulay itterep sawap, sädaqa, xäyriä, başqalarğa yärdäm kebek tatarda bulğan ğädätlärne Qazanda yäşäwçe töreklär torğıza.

--------------------------------------------------------------------------------------------

►Federal üzäk Qazandağı törek uqıtuçılarına qarşı çığa


Rusiädä Törek mädäniäte könnäre uza. Ämma şulay da ilneñ törle töbäklärendä törek litseylarınıñ yabılu eşe äle dä däwam itä.

Bu mäsälä Tatarstan mäğärifçelären dä inde küptännän borçıy. Ütken telle “Zvezda Povoljä” gazetasınıñ çirattağı sanında bu xaqta yänä ber tänqıydi yazma kürende. Biredä Federal üzäkneñ tatar-törek litseylarında uqıtqan törek uqıtuçıların eşlärennän alırğa sorağannarı turında süz bara. Bu - 7 litseydan 50 yaqın uqıtuçı.

Döreständä, bügenge köndä Tatarstanda tatar- törek litseylarınıñ abruyı zur, biredä rişwätçelek yuq, sälätle balalar uqıy, alar respublika häm xalıqara däräcäsendäge bäygelärdä gel aldınğı urınnar ala. Här yıl bu uqu yörtlarına kerergä 1 urınğa 15 keşe konkurs bula, anı tämamlawçılar çit teldä yaxşı aralaşa. Ber ay elek tiräse Tatarstannıñ 60qa yaqın tanılğan ğälime, 26 fännär kandidatı, jurnalistlar bu uñaydan Rusiäneñ yaña saylanğan prezidentı Dmitriy Medvedevqa açıq möräcäğät tä cibärde. “Zvezda Povoljä” gazetası jurnalistları fikerençä bu uqu yotların beterü asıldı, liberällar belän quät köçlärneñ üzara köräşenä bäyle. Bu ğämällärne Medvedevqa qarşı provakasia dip bäyäli alar.

--------------------------------------------------------------------------------------------

►Tatarlar Rusiä yarışınıñ däräcäsen kütärä

Bilgele bulğança, bıyıl Daqar yarışları bulmıy qaldı.

Anı oyıştıruçılar automobil uzışında qatnaşuçılarnıñ ğömeren qurqınıç astına quyarğa telämädek, dip belderde. Çönki yarış yullarında suğışçılar törkemnäre buluı mäğlüm bulğan ide. Bulmıy qalğan yarıştan soñ automobil' dönyası beraz tınıp qaldı. Xäzer aña tağın can kerde. Automobil korporasialäre 12 yündä başlanaçaq Peterburg- Pekin dönyaqüläm ralliğä äzerlekne başladı.

Rusiä automobilçeläre 16 äpreldä il berençelegen başlap cibärä. Uzış “Marşrut- 1000” iseme astında Volgograd ölkäseneñ Serafimoviç rayonında 3 kön baraçaq. Anda qatnaşu öçen Çallı KamAZları yulğa çıqtı inde.


--------------------------------------------------------------------------------------------

►Putin wäğdäsendä tormadı

Tatarstan awıllarındağı uqıtuçılar quyılğan xezmätlärenä tieş xaq almıy.

Bügenge köndä Rusiädä uqıtuçılar, medisina xezmätkärläre, tärbiäçelärneñ küpçelege awız açıp qaldı diärgä bula. “Berdäm Rusiä” uzğan yılnıñ 17 deqäberendä ütkärgän qorıltayı waqıtında Rusiä prezidentı Putin budjettağılarnıñ xezmät xaqları 2008 yılnıñ 1 febrälennän 14 prosentqa arta dip wäğdä birgän ide. İlbaşınıñ bu wäğdäse bügenge köngä qädär ütälmäde. Şuña kürä, “Moskovskiy komsomoles” gazetası yazuınça, Citeştermäwçe tarmaqtağılar eş berlekläre assosiasiase saylanğan prezident inaugurasiase aldınnan, 22 äprel könne, Rusiä külämendä qarşılıq ğämälläre ütkärü belän yanağan.

Ämma, awıl uqıtuçısı, bigräk tä Tatarstandağılar mondıy çaralardan bik qurqa. Qarap torğan eş urınınnan çığarmasınnar öçen “läm-mim” ul. “Anıñ xäzer 18 säğätttän artıq därese dä yuq.

Qayber awıllardağı mäktäp citäkçeläre belderüençä, aqça digändä “tayaqnıñ yuan başı gel alarğa töşä”. Misal öçen, soñğı waqıtta mäktäp citäkçeläreneñ, anıñ urınbasarlarınıñ xezmät xaqların teläsä nindi säbäp tabıp bik qatı kisä başlağannar. 14 basqıçqa kütärelgän citäkçegä, ul basqıçqa tieş xezmät xaqı tülänmi. Alarğa mäktäpneñ kategoriase belän tüli başlağannar. Bu kategoriane çığaru öçen bala häm uqıtuçılar sanı, yärdämçe xucalıq, torıp uquçılar bulu-bulmaw, texnik mömkinlekläre dä isäpkä alına.

--------------------------------------------------------------------------------------------


►Tuqay premiase birelä başlawğa 50 yıl


Comğa könne Ğabdulla Tuqay ädäbi muzeyında “Äydä, xalıqqa xezmätkä!..” dip atalğan ädäbi-muzıkal kiçä uzdı.

Ğabdulla Tuqay
Ul Tuqay isemendäge premia birelä başlawğa 50 yıl tuluğa bağışlanğan ide. Älege kiçä muzeyda eşläwçe “Tuqay premiase laureatları” kürgäzmäse qısalarında ütkärelde. 2001 yılda açılğan kürgäzmä däwlät büläge birelä başlawğa 50 yıl tulu uñayınnan yañartıldı, küp kenä materiallar belän bayıtıldı. Tuqay muzeyı citäkçese Rämis Äymät süzlärenä qarağanda, kürgäzmä eşläw däwerendä zur uñış qazanğan, anıñ belän 200 meñnän artıq keşe tanışqan. Ädäbi-muzıkal kiçägä barlıq lawreatlar da çaqırılğan ide, di muzey mödire.
ber kün ös kieme satıp aldım. Ä xäzer ul aqçağa 10 dublenqa alıp bula”.

Bıyılğı däwlät premiasenä 11 keşe däğwa itä. Lawreatlar isemnäre isä ğädättägeçä Ğabdulla Tuqaynıñ tuğan könendä — 26 äpreldä iğlan iteläçäk.
XS
SM
MD
LG